Португалскиот интернационалец Ренато Санчес има одлична сезона во Лил и блиску е до трансфер во Серија А. Покрај Милан, сега и Јувентус се вклучува во трката за неговиот потпис, откриваат италијанските медиуми.
По три сезони во Лил, 24-годишниот Санчес ја врати репутацијата што некогаш ја уживаше кога го носеше дресот на Баерн Минхен и ова лето го очекува нов трансфер.
Милан подолго време се заинтересирани за неговиот потпис, посебно ова лето како замена за Франк Кеси, чиј договор завршува на крајот на сезоната, но сега имаат ривали во Јувентус.
Масимилијано Алегри наводно веќе дал зелено светло на раководството на клубот да се обиде да го реализира трансферот.
