Италијанскиот калчолигаш Јувентус ќе се обиде да го привлече напаѓачот на Севилја, Јусеф Ен-Несири. „Бјанконерите“ ќе преземат ваков чекор во случај да дојде до продажба на Душан Влаховиќ, пишува „Газета дело Спорт“.
За Србинот во моментот е заинтересиран Пари Сен Жермен, но исто така и Челси и Баерн Минхен.
Ен-Несири има договор со Севилја до 2025 година, но поради финансиските тешкотии кои ги има победникот во Лига Европа, веројатно и ќе се сложи на разделба со својот играч.
Во последната сезона, мароканскиот интернационалец беше брилијантен и постигна 18 гола, забележувајќи и две асистенции.
