Интер е подготвен да направи нов обид да го привлече напаѓачот на Порто, Мехди Тареми, пишува „Газета дело спорт“.
Како што е познато, во текот на летниот преоден рок, „нероаѕурите“ заедно со градскиот ривал Милан се обидуваа да го привлечат 31-годишниот напаѓач, но тој на крајот остана на „Драгао“.
Наместо тоа, Интер потпиша со Марко Арнаутовиќ и со Алексис Санчез, кои, сепак, досега не ја оправдаа довербата на клубот.
Тареми нема намера да го продолжи договорот со Порто, кој истекува на крајот од оваа сезона. Затоа, гигантот од Милано може да ја искористи оваа ситуација и да тргне во офанзива за иранскиот репрезентативец во јануари.
