Интер им се врати на победите и славеше над Емполи со убедливи 3-1 во натпреварот од 21. коло во италијанската Серија А. Актуелниот шампион го обезбеди триумфот со головите на капитенот Лаутаро Мартинез, Маркус Турам и Дензел Дамфрис.
Емполи издржа едно полувреме, но тогаш на сцена стапи Лаутаро Мартинез, кој постигна прекрасен погодок од речиси 25 метри и донесе радост на „Џузепе Меаца“ во 55. минута.
Следуваше период на доминација од домашниот тим, неколкуте шанси во низа кулминираа со голот на Дамфрис, кој погоди со глава по изведен корнер во 79. минута, запишувајќи го својот петти првенствен погодок.
Емполи се врати со голот на младиот Себастијано Еспозито, кој е на позајмица токму од Интер, но не успеа да направи ништо повеќе.
Конечните 3-1 беа реален приказ на случувањата на теренот, а резултатот го постави Маркус Турам во 89. минута.
Интер сега има 47 бодови, три помалку од Наполи, но има и еден натпревар помалку.
