Интер го декласира Наполи на „Диего Марадона“ (ВИДЕО)

Интер убедливо го победи актуелниот шампион Наполи на стадионот „Диего Марадона“ во Неапол со 0-3 и се врати на првото место на табелата во Серија А со 35 бода. „Нероаѕурите“ беа доминантни и не му оставија простор за надеж на тимот на Елиф Елмас, кој на овој меч беше стартер и играше до 75.минута.

Хакан Чалханоглу донесе водство за Интер во 44.минута, а во вториот дел Николо Барела зголеми на 0-2 во 62.минута. Третиот гол беше дело на Маркус Турам во 85.минута од мечот.