Кариерата на италијанскиот фудбалер Алесио Черчи достигна ново дно, откако неговиот клуб Арецо реши да го ослободи од професионалните обврски.
Арецо е клуб кој потекнува од истоимениот град и моментално се бори за опстанок во третата италијанска лига, Серија Ц. Черчи пристигна во клубот во октомври 2020 година, потпишувајќи тригодишен договор. Оттогаш, крилниот напаѓач запиша 15 настапи, на кои не постигна ниту еден погодок.
Епилогот од искуството во Тоскана, претставува уште еден неуспех во последните години на поранешниот повремен репрезентативец на Италија.
Своевремено, 33-годишниот фудбалер беше дел и тимот на Атлетико Мадрид, каде помина три години, а поради неколкуте позајмици, беше ограничен на само седум настапи. Неговата авантура во Шпанија беше бргу прекината, по што тој му се придружи на Милан во 2015, каде повторно не успеа да импресионира.
