Европскиот и светски првак Челси се соочува со огромни проблеми по санкциите што Велика Британија му ги воведе на сопственикот Роман Абрамович, но и на самиот клуб. Беше објавено дека клубот нема да може да продава билети, нема да работат фан-шоповите, а нема да можат да потпишуваат и договори со фудбалерите. Но, и тоа не е крај на проблемите.
Сега и главниот спонзор на Челси, „Три“, побара раскин на соработката.
Официјалниот спонзор кој на Челси му даваше 40 милиони евра годишно побарал раскинување на соработката и да се тргне логото од дресовите на клубот од „Стемфорд Бриџ“.
Ова е уште еден тежок удар за „сините“ кои ќе останат без планираните приходи.
