Еден од клубовите со најголема традиција во македонскиот фудбал, Беласица, добива нови сопственици од Турција. Според информациите, нов сопственик на струмичкиот клуб е Еврен Турхан, поранешен турски фудбалер, кој има настапувано и за Галатасарај, а има и два натпревари во репрезентацијата на Турција.
Делегацијата од Турција денеска била во Струмица и потпишала договор за преземање на клубот.
Првично, планот е Беласица да успее да се консолидира и да се наметне како еден од поквалитетните тимови во Втората лига, а од следната сезона и да напаѓа влез во македонската елита.
Претходно, турски сопственици во Македонија добија Гостивар, Работнички, Шкупи и Вардар.
