Томас Тухел го презеде Баерн Минхен, а германските медиуми веќе го најавуваат можните засилувања што би пристигнале на „Алијанц арена“ следното лето. Едно од имињата е и Каи Хаверц, германскиот репрезентативец кој настапува за Челси, каде соработуваше со Тухел.
„Баерн генерално е огромен клуб на кој е тешко да му се каже ‘не’ како германски играч, но мојата лична цел отсекогаш била да играм во странство во одреден момент, во Англија или во Шпанија“, изјави Хаверц, не давајќи индикации дека дефинитивно сака да го напушти Челси.
Хаверц беше желба на Баерн и во 2020 година, но тој одлучи да се пресели во Челси и не погреши бидејќи со клубот го освои трофејот во Лигата на шампионите.
