Колумбискиот интернационалец Хамес Родригез заминува во Катар и ќе биде нов играч на Ал Рајан. Одличниот играч за врска ќе потпише со катарскиот клуб соработка за следните три сезони. Но, се надева дека тоа ќе му послужи само како мост за приклучување кон ПСЖ пред истекот на овој договор.
Ал Рајан од клупата го предводи прославениот француски фудбалер Лоран Блан.
Хамес Родригез не одигра ниту минута за Евертон повеќе од четири месеци, а доаѓањето на Рафаел Бенитез на клупата на англискиот клуб дефинитивно ги затвори сите врати за него. Тој не беше воопшто во тимот за натпреварот против Астон Вила минатиот викенд, а Бенитез го оправда неговото отсуство поради наводни проблеми со мускулите.
