Фудбалерите на ПСЖ и Лил синоќа го одиграа финалето на Суперкупот на Франција во Тел Авив, што е прв официјален настап на засилувањето од Интер, Ашраф Хакими, кој во Израел не беше дочекан пријателски.
Хакими беше продорен и активен во фазата на напад, но кога и да ја примеше топката, навивачите свиркаа од трибините поради поддршката што ја даде на Палестина во конфликтот со Израел во текот на мај.
Мароканецот на социјалните мрежи напиша „Слободна Палестина“, на што Израелците не му простија.
Лил славеше со 1-0 и дојде до првиот трофеј во новата сезона откако минатата стана шампион на Франција.
