Фудбалерите на Манчестер Сити вечерва и официјално станааа нови шампиони на Англија. На Сити му беше потребно Јунајтед да не го победи Лестер, по што ја прослави седмата титула во историјата.
„Граѓаните“ имаат десет бода повеќе од „црвените ѓаволи“, а двата тима имаат по три натпревари до крајот на шампионатот.
За Сити, тоа е седма титула во историјата на клубот, трета откако Пеп Гвардиола го презеде тимот пред пет години. Сити го очекува финале во Лигата на шампионите против Челси на 29 мај, а оваа сезона веќе го освоија Лига купот.
