Манчестер Сити го совлада Лајпциг со 1-3 на гости во второто коло од групната фаза во Лигата на шампионите. Европскиот шампион играше во комбиниран состав, а во тимот беше и 18-годишниот Рико Луис. Младиот фудбалер со својата игра го воодушеви својот менаџер Пеп Гвардиола.
„Каков играч. Неверојатно, извонредно. Има 18 години, а може да игра на четири, пет позиции, не се плаши, одличен е во одбраната. Јас сум тренер 15 години, тренирав неверојатни играчи, но ова е најдоброто со кое сум работел“, изјави Гвардиола.
Рико Луис е роден во Манчестер и израснал во младинската академија на Сити, а во ноември ќе наполни 19 години.
