Манчестер Сити нема да доведе ново засилување во нападот во зимскиот преоден рок. Иако имаше најави дека се подготвува супер – трансфер на Ерлинг Халанд, сепак, тоа е далеку од реализација.
„Апсолутно не размислувам за нов напаѓач. Тоа е само имагинација на медиумите. Серхио Агуеро имаше проблеми со бутниот мускул и со коленото и играше малку оваа сезона, а Габриел Хесус има фантастична бројка на постгинати голови откако дојде во клубот. Не ни е потребен нов напаѓач. Во нашиот стил на игра секој може да биде реализатор“, изјави Пеп Гвардиола.
Манчестер Сити послабо од очекувањата ја стартуваше сезоната во Премиер – лигата. Има осум бода негатива во однос на лидерот Ливерпул, но и еден одигран меч помалку.
