Ѓурѓевиќ го напушти Работнички и потпиша за Влазнија Скадар

Досегашниот фудбалер на Работнички, Фахрудин Ѓурѓевиќ, го напушти клубот од Дебар Маало и следната сезона ќе ги брани боите на албанскиот тим Влазнија Скадар. Овој тим ќе игра во квалификациите на Конференциската лига, а во своите редови ги има и Мевљан Адили, Александар Исаевски и Демир Имери.

Ѓурѓевиќ постигна 12 гола во дресот на Работнички изминатата сезона што беше добра препорака за повторно заминување во странство.