Младинскиот репрезентативец на Македонија, Бесар Гуџуфи, направи сензационален трансфер во турскиот гигант Бешикташ. По само шест месеци на прволигашка сцена во тимот на Беласица, тој направи трансфер вреден 500.000 евра во новиот шампион на Турција.
„Среќен сум што дојдов во најдобриот тим во Турција. Од денеска мојата цел е да бидам се подобар и подобар на секој нареден натпревар и да го дадам максимумот во дресот на Бешикташ“, изјави Гуџуфи.
Познати се и деталите од договорот. Гуџуфи во Бешикташ ќе заработува 8.000 евра месечна плата, а стави потпис на петгодишна верност со клубот.
