Атлетико Мадрид ја продолжи импресивната форма во Ла Лига со драматична победа над Севилја на домашен терен, триумфирајќи со 4-3. Тимот на Диего Симеоне се соочи со негатива од 1-3, но со неверојатен пресврт за само половина час успеа да ја обезбеди победата.
Родриго де Пол го отвори резултатот за Атлетико во десеттата минута, но Севилја одговори брзо. Лукебакио израмни, а Ромеро ја доведе Севиља во водство. Во 57. минута, Хуанлу Санчез го зголеми резултатот на 1-3, ставајќи го Атлетико во тешка позиција.
Сепак, Атлетико не се откажа. Антоан Гризман намали на 2-3 во 62. минута, а Лино израмни во 79. минута.
Во драматичниот финиш, Гризман повторно се истакна со победнички гол во судиското продолжение, носејќи еуфорија на „Сивитас Метрополитано“.
