Барселона оствари многу важна победа (1-2) на гости против Вилјареал и ја продолжува трката за шампионската титула во Ла Лига. Каталонскиот тим сега има 71 бод, два помалку од лидерот Атлетико Мадрид.
Самуел Чуквуезе во 26.минута го доведе Вилјареал во водство на овој меч, но одговорот дојде експресно од Антоан Гризман. Само две минути подоцна францускиот интернационалец успеа да израмни, а во 35.минута се погрижи и за комплетен пресврт.
Вилјареал од 65.минута играше со фудбалер помалку поради исклучувањето на Мануел Тригуерос и немаше сили за да дојде до реми.
