Манчестер Сити и Ливерпул одиграа 2-2 на „Итихад“ во големата пресметка за титулата. Растојанието останува исто, „граѓаните“ се на врвот со еден бод предност, а трката за трофејот ќе продолжи до крајот на шампионатот во Премиер – лигата.
Идентично како и на „Енфилд“ во првиот дуел, многу голови, шанси, максимален интензитет и атомски фудбал, на крајот 2-2 и без победник.
Кевин де Бруин во петтата минута донесе предност за домаќинот, но возврати Диого Жота во 13.минута.
Габриел Жесус во 36.минута обезбеди водство за „граѓаните“ по првото полувреме, но на самиот почеток на вториот дел Садио Мане го израмни резултатот.
