Италијанскиот калчолигаш Наполи излезе со повеќе информации за повредата на Ромелу Лукаку. Напаѓачот заработи повреда на левиот бутен мускул за време на контролниот натпревар против Олимпијакос пред неколку дена.
Од клубот ја потврдија повредата, додавајќи дека играчот започнува рехабилитација и ќе има консултации со хирург околу тоа дали ќе биде потребна операција.
Според италијанските медиуми, Лукаку нема да игра до ноември. Ова го натера клубот да бара нов напаѓач кој би бил ангажиран пред затворањето на трансферниот прозорец.
