Спортскиот директор на германската репрезентација Руди Фeлер изјави дека официјалната церемонија за збогување на Мануел Нојер, Тони Крос, Томас Милер и Илкај Гундоган ќе се одржи на еден од двата натпревари на Бундес-тимот што преостануваат оваа година.
„Ќе им направиме на нашите играчи соодветно испраќање на еден од нашите следни натпревари на домашен терен и ќе создадеме убава и соодветна атмосфера“, изјави Фелер за „Bild am Sonntag“.
Германските легенди Нојер, Крос, Милер и Гундоган објавија дека се повлекуваат од националниот тим по ЕВРО 2024 ова лето.
Германската фудбалска федерација наводно планира да одржи проштален настан на натпреварот од Лигата на нации против Холандија на 14 октомври на „Алијанц арена“ во Минхен. Во меѓувреме, Фелер планира да се повлече по Светското првенство во 2026 година во САД, Канада и Мексико.
