Португалскиот интернационалец Бруно Фернандеш по доаѓањето од Спортинг Лисабон се наметна како еден од главните играчи во тимот на Оле Гунар Солскјер и менаџерот сака да го награди со нов договор. Манчестер Јунајтед подготвува ревидирање на соработката со одличниот фудбалер за врска, а според новиот договор тој би добил двојно поголема неделна плата од сегашната.
По потписот на новиот договор, Бруно Фернандеш на „Олд Трафорд“ ќе заработува по 200.000 фунти неделно.
За португалскиот репрезентативец сериозно се заинтересирани Барселона и Реал Мадрид, па Манчестер Јунајтед сака навреме да се обезбеди дека Бруно Фернандеш ќе биде среќен во клубот и нема да размислува за заминување.
