Манаџерот на Манчестер Јунајтед, Ралф Рангник, има големи проблеми со составување на тимот за денешниот дерби натпревар (17.30 часот) против Манчестер Сити. Тој нема да ги има на располагање искусните напаѓачи Кристијано Роналдо и Единсон Кавани.
Манчестер Сити е нагласен фаворит на дербито што ќе се игра на „Итихад“, но на вакви натпревари многу често умеел да изненади тимот што пред почетокот важи за аутсајдер.
Кристијано Роналдо се пожалил на повреда а ќе отсуствува и Единсон Кавани кој подолг период е надвор од терените. Уругваецот се врати на тренинзите, но не е доволно подготвен за да им помогне на соиграчите на „Итихад“. Во една ваква ситуација, Ралф Рангник ќе се определи за Маркус Рашфорд и за Џејдон Санчо.
