Футсал клубот Форца испиша златна страница во историјата на мак-футсалот! Кумановскиот тим приреди сензација во квалификациите и како првопласиран во својата група обезбеди место во главната рунда од Лигата на шампионите.
На домашен терен, Форца го декласираше ерменскиот Ереван со 5-0, демонстрирајќи апсолутна доминација. Пред тоа, кумановци беа поуспешни и од Енкамп од Андора (4-0), како и од Мурата од Сан Марино (1:0), со што заслужено го освоија првото место во групата А.
Со овој подвиг, македонскиот првак ја продолжи традицијата на успешно претставување на меѓународна сцена. Сега останува да се дознае каква ждрепка ќе им донесе главната рунда и кои европски гиганти ќе им бидат противници.
