Футсал репрезентацијата на Македонија вечерва (19 часот) во СЦ „Јане Сандански“ го игра вториот меч од квалификациите за пласман на Светското првенство 2024 година. Противник е селекцијата на Италија, која ќе биде нов голем предизвик за избраниците на селекторот Васко Скендеровски.
Со натурализираниот Бразилец Даниел Де Соуза и со неколку интернационалци, селекцијата на Македонија ќе се обиде да стигне до првиот триумф.
На стартот од новиот циклус, македонскиот футсал тим загуби од Шведска во Алингсас со 5-2.
