Македонскиот претставник во квалификациите за ЛШ во футсал, тимот на КМФ Проект, го загуби убедливо решавачкиот меч за првото место во групата што се игра во Гевгелија. Играчите на КМФ Проект загубија со 0-5 од Луксол Сент Ендрус и останаа на втората позиција на табелата.
Хеберт Болт постигна хет – трик за гостите од Малта. Тој го отвори резултатот во осмата минута, две минути подоцна зголеми на 2-0, а потоа Глигоров си постигна автогол. Во второто полувреме уште еднаш Хеберт Болт ја тресеше мрежата на КМФ Проект, а конечниот резултат го постави Маикињо.
