Футсал првакот на Македонија, Форца, продолжува со одличните настапи во Лигата на шампионите, откако ја впиша и втората победа во прелиминарната рунда.
На турнирот што се игра во Куманово, тетовскиот состав со минимални 1-0 ја совлада екипата на Мурата од Сан Марино и ја задржа првата позиција во групата А пред последното коло.
Херој на мечот беше Сефери, кој во 21. минута го постигна единствениот погодок.
Форца во третото коло ќе има решавачки дуел против ерменскиот Ереван, кој досега забележа по една победа и пораз, со три бода на своето конто.
