Френк Кeси ќе ја напушти Барселона во јануари. Репрезентативецот на Брегот на Слоновата Коска не се снајде најдобро на „Камп Ноу“, а ќе мора да бара нова средина.
Беше поврзуван со Милан и со Јувентус, но од тоа нема ништо. Јувентус нема опција за друг играч кој нема документи од Европската унија, додека „росонерите“ имаат други планови.
Затоа на адресата на Барселона, од Лондон, пристигна понуда од 22 милиони евра.
Премиерлигашот Фулам и ја понудил оваа сума пари на Барса и клубот од Каталонија ќе ја прифати, иако интерес има и од Астон Вила.
Така поранешниот играч на Аталанта ќе си ја проба среќата во Премиер – лигата по Серија А и Ла Лига.
