Манчестер Јунајтед ја оствари првата победа под раководство на новиот менаџер Ралф Рангник. Како и што најави, ќе се потруди одбраната и успеа во тоа со оглед дека „црвените ѓаволи“ по подолг период не примија гол и славеа со 1-0.
Стрелец на победничкиот гол беше Бразилецот Фред со фантастичен удар од дваесетина метри, на асистенција на Гринвуд. Јунајтед беше подобар тим и во првото полувреме не искористи неколку одлични можности, но, сепак, Фред во 77.минута го пронајде патот на топката до мрежата на гостите.
Тотенхем беше убедлив против Норич и победи со 3-0. Лукаш Моура го начна ривалот, а во второто полувреме погодија и Девинсон Санчез и Хјонг – Минг Сон.
Лидс Јунајтед во последен миг се спаси од пораз дома против Брентфорд и одигра 2-2. Спасителот беше Патрик Бамфорд со гол во 95.минута од дуелот.
