Франк Кеси од лето и дефинитивно ќе биде нов фудбалер на Барселона. На „Камп Ноу“ ќе замине како слободен играч бидејќи договорот со Милан му завршува на крајот од сезоната.
Како што откриваат италијанските медиуми, Кеси на почетокот од оваа седмица ги договорил сите детали за соработката со каталонскиот гигант и треба да биде ново засилување за Барселона, заедно со Андреас Кристенсен од Челси.
Франк Кеси во Барселона ќе заработува 6.5 милиони евра по сезона. Репрезентативецот на Брегот на Слоновата Коска оваа сезона не блеска во дресот на Милан, но секако е еден од најдобрите играчи за врска во Серија А.
