Неверојатно драматичен натпревар во Ѓорче Петров и триумф на Струга Трим Лум буквално во последните мигови од дуелот. Тимот на Срѓан Захариевски славеше со 2-3, со двата гола од пенал на Марјан Алтипармаковски, вториот буквално во последните секунди од мечот, и прекрасниот погодок од слободен удар на Немања Босанчиќ.
На радоста на стружани немаше крај, по овој триумф во Ѓорче Петров сега комплетно им се отвори хоризонтот со поглед на Европа. Уште четири кола до крајот, а се доближија само на еден бод до третопласираниот тим Македонија ЃП.
