Тренерот на Барселона, Ханси Флик, откри дека нема намера да ги користи Рафиња и Роналд Араухо на одложениот натпревар против Осасуна утре. Тој го откри ова на прес-конференција пред натпреварот, објаснувајќи дека латиноамериканските фудбалери ќе се вратат многу доцна и нема да имаат време да се рехабилитираат по долгото патување.
„Тие нема да играат, ниту ќе бидат во составот. Летот им е долг и ситуацијата не е оптимална. Мора да тренираат. Добро е да одморат, да тренираат, па ќе видиме како ќе бидат во недела. Но, тимот е фантастичен и мора да се бориме за трите бода. Ако победиме и додадеме три бода на нашето конто, тоа ќе биде најдобрата реакција“, изјави германскиот стратег.
„Ерик Гарсија и Ињиго Мартинез ќе играат како централни дефанзивци. Пау Кубарси ќе биде на клупата. Подобро е да има уште неколку дена, бидејќи му е потребно тоа. Повредата не е сериозна, но добро е што има повеќе време за одмор. Ако ни беше потребен, ќе играше“, додаде Флик.
