Светската и Европска фудбалска организација донесоа очекувана одлука, да ги исклучат сите руски тимови и репрезентации од нивните натпреварувања. Ова откако сите други селекции најавија дека ќе ги бојкотираат натпреварите, а поради инвазијата на Русија над Украина.
„По првичните одлуки усвоени од Советот на ФИФА и Извршниот комитет на УЕФА, кои предвидуваа усвојување дополнителни мерки, ФИФА и УЕФА денеска заедно одлучија сите руски тимови, без разлика дали се репрезентативни или клупски тимови, да бидат суспендирани од учество во двете натпреварувања на ФИФА и УЕФА до понатамошно известување.
Овие одлуки денеска беа усвоени од Бирото на Советот на ФИФА и Извршниот комитет на УЕФА, односно највисоките тела за одлучување на двете институции за вакви итни прашања.
Фудбалот е целосно обединет овде и во целосна солидарност со сите луѓе погодени во Украина. Двајцата претседатели се надеваат дека ситуацијата во Украина значително и брзо ќе се подобри за фудбалот повторно да биде вектор за единство и мир меѓу луѓето“, се вели во соопштението на ФИФА.
