Фудбалерот од средниот ред на Реал Мадрид, Федерико Валверде, е неизвесен за натпреварот од Лигата на шампионите против Ливерпул, бидејќи се здобил со повреда на мускулот, информираат шпанските медиуми.
Валверде би можел да биде надвор од терените две седмици, и со тоа да го пропушти претстојниот дуел со англискиот клуб во Лигата на шампионите, закажан за 6 април во Мадрид.
Сепак, се чека официјална потврда од Реал Мадрид за тоа колку време Уругваецот ќе отсуствува.
