Евертон имаше три последовни порази, но дојде на „Итихад“ и успеа да извлече бод играјќи 1-1 против актуелниот шампион Манчестер Сити. На тимот на Франк Лампард не му се даваа големи шанси за позитивен резултат, но успеа да ги изненади „граѓаните“ и да освои бод.
Ерлинг Халанд го донесе Манчестер Сити во водство во 24.минута и сите очекуваа уште една убедлива победа за Сити. Но, Евертон израмни во 64.минута со фантастичниот гол на Демерај Греј.
Њукасл одигра без голови на домашен терен против Лидс Јунајтед, а Фулам славеше против Саутемптон со 2-1.
