Фудбалерот на Реал Мадрид, Еден Азар, ќе остане во клубот до истекот на договорот. Неговиот брат Торган Азар го откри ова за белгиските медиуми.
„Еден веќе има фантастична кариера. Добро му е во Мадрид. Неговото семејство таму се чувствува добро. Има договор до 2024 година и мислам дека нема да оди никаде“, рекол Торган, инаку играч на Борусија Дортмунд.
Еден Азар направи трансфер од Челси во Реал Мадрид во 2019 година за сума од фантастични 115 милиони евра. Сепак, не ги оправда вложените средства со оглед дека не се снајде најдобро во „кралскиот клуб“. Не успеа да повтори ниту дел од игрите што претходно ги имаше во Челси.
