Пред две децении на денешен ден, Денис Бергкамп постигна неверојатен гол против Њукасл во дресот на Арсенал. Еден од најдобрите холандски фудбалери на сите времиња ја прими топката од Роберт Пирес, со маестрална пируета го измами Никос Дабицас кој заврши на теренот, а потоа рутински го совлада голманот Шеј Гивен.
Пред неколку години оваа мајсторија на холандскиот офанзивец беше избрана за најдобар гол во историјата на Премиер – лигата.
„Неверојатен гол. Сите сме почестени што го видовме во живо. Нема да гледате таков гол многу често“, изјави менаџерот на Арсенал, Арсен Венгер, по натпреварот одигран пред точно 20 години.
