Голманот на Милан и италијански репрезентативец Џанлуиџи Донарума вчера пред натпреварот со Беневенто имал непријатна средба со ултрасите на клубот. Како што открива „Кориере дела Сера“ тој си заминал во солзи.
Голманот сè уште не го продолжил договорот, кој истекува ова лето, а според извештаите од Италија, еден од клубовите со кој преговара е Јувентус.
Милан и Јувентус во моментов се борат за пласман во Лигата на шампионите следната сезона, а следната недела ќе играат еден против друг во Торино. Затоа навивачите му „наредиле“ на Донарума да не игра на тој натпревар доколку во меѓувреме не потпише нов договор.
Голманот им објаснил на тифозите на Милан дека сè уште не одлучил ништо, дека сака да остане и инсистира самиот да донесе одлука за неговата иднина. Сепак, заминал со солзи во очите откако добил „забрана“ за да биде на голот на дербито со Јувентус.
