Напаѓачот на Јувентус, Алваро Мората, пред натпреварот со Вилјареал во Лигата на шампионите зборуваше за пропаднатиот трансфер во Барселона. Кога веќе се знаеше дека Душан Влаховиќ ќе пристигне во Торино, раководството на клубот работеше на заминување на Алваро Мората, односно раскинување на неговата позајмица од Атлетико Мадрид.
Барселона беше многу заинтересирана за него, но поради финансиски тешкотии не успеа да го ангажира.
„Во моментов не е важно. Имав состанок со Алегри по повод понудата на Барселона, а тој ми кажа дека доаѓањето на Влаховиќ ќе ми помогне, што се покажа како точно. Моментно сум среќен во Јувентус и се прашувам кога би останал овде засекогаш“, изјави Мората.
Во меѓувреме Барса го донесе Пјер-Емерик Обамејанг, кој може да ги покрие двете крилни позиции, но и во шпицот на нападот.
Кога станува збор за Мората, тој и Влаховиќ се напаѓачки тандем откако српскиот фудбалер пристигна на „Алијанц“ стадионот.
