Динамо и Трабзонспор загубија, Енис Барди дебитираше за турскиот првак (ВИДЕО)

Динамо Загреб доживеа минимален пораз (1-0) на гости од Бодо-Глимт во првиот меч од плејофот за влез во групите од Лигата на шампионите. Стрелец на победничкиот гол за норвешкиот тим беше Амал Вилијам Пелегрино во 37.минута од мечот.

Енис Барди го имаше своето деби во дресот на Трабзонспор на гостувањето против Копенхаген во плејофот за ЛШ. Тој влезе во игра во 58.минута, а неговиот тим загуби со 2-1.

Клаесон и Лерагер донесоа предност за Копенхаген, а Трабзонспор намали со голот на Бакасетас во 79.минута.

Глазгов Ренџерс и ПСВ Ајндховен ремизираа 2-2. Чолак и Лоренс стрелаа за домаќинот, а ПСВ носи реми дома благодарејќи на головите на Сангаре и на Обиспо.