Легендарниот Џанлуиџи Буфон продолжува во Парма и во наредните две години. 44-годишниот Џиџи Буфон потврди дека не планира наскоро да се откаже од фудбалот бидејќи денеска потпиша нов договор со Парма. Тој има важност до летото 2024 година, што значи дека сигурно ќе брани до свои 46 години.
Џиџи се врати на „Енио Тардини“ пред почетокот на сезоната, а претходно беше во Јувентус и Пари Сен Жермен. Од оваа зима негов соиграч е и најдобриот македонски фудбалер Горан Пандев, кој од Џенова се пресели во Парма.
Парма се натпреварува во Серија Б, но е само на 13. место и тешко дека ќе може да се избори за промоција. Сепак, Буфон е на ниво, не примил гол на осум од 23 натпревари во првенството.
