Поранешниот англиски репрезентативец Џек Вилшер е нов играч на данскиот Архус. Вилшер потпиша договор со тимот од данскиот шампионат до крајот на сезоната. Тој претходно тренираше со Арсенал повеќе од еден месец, а имаше најави и дека ќе се пресели во клубови од Серија Б.
Играчот од средниот ред нема клуб речиси една година, откако го напушти Борнмут. Играше за Арсенал од 2008 до 2018 година, а потоа и за Борнмут и за Вест Хем.
Вилшер има 29 години, за англиската репрезентација играше 34 пати и постигна два гола.
