Јувентус со сомнителен пенал во 88.минута што го изнуди Хуан Квадрадо сопнувајќи се од нозете на Иван Перишиќ го доби дербито (3-2) против Интер и ја продолжи трката за пласман во Лигата на шампионите. Но, и легендарниот Алесандро Дел Пјеро, легендата на Јувентус, јавно призна дека судијата Калварезе погрешил затоа што покажал на белата точка.
„Немаше елементи за пенал за Јувентус. Очигледно е дека не постоеше контакт меѓу двајцата фудбалери. Перишиќ не направи ништо, а Квадрадо се сопна од неговите нозе“, изјави Дел Пјеро.
