Српскиот фудбалски тренер Дејан Станковиќ го презеде Спартак Москва. Само неколку часа откако се појавија информациите дека поранешниот стратег на Црвена Звезда си замина од Ференцварош, следуваше официјална потврда дека Станковиќ е новиот тренер на рускиот тим.
На две кола пред крајот на руското првенство Спартак е на петтото место со седум бода помалку од првопласираниот Динамо Москва.
Станковиќ не успеа да го освои последниот трофеј со Ференцварош оваа сезона, бидејќи вчера во финалето на Купот беа поразени од Пакс со 2-0. Сепак, тој се збогува со титулата првак на Унгарија.
