Италијанскиот стратег Роберто де Зерби (42) не заминува од Украина се додека и последниот фудбалер не биде згрижен. Тој вели дека има одговорност да остане и тоа не значи дека е херој.
„Утрово ме разбудија експлозии на бомби, но не сакав да го напуштам тимот. Од италијанската амбасада ми рекоа да се вратам дома, но во овој момент не можам да го напуштам Шахтјор. На крајот на краиштата, нашиот клуб е во егзил осум години поради руската окупација на Доњецк во Киев. Дојдов овде да работам, а не само да заработам пари и да заминам. Каков тренер и човек би испаднал да си заминам и да ги оставам моите 13 бразилски играчи? Јас не сум херој, нема херои, јас сум само одговорен. Едноставно не можев да избегам. Тешко е да им се објасни ова на најблиските во Италија, на децата кои ни испраќаат пораки да се вратиме“, изјави Де Зерби.
