Ливерпул успеа да оствари важен триумф (0-1) на гости кај Нотингем Форест и се зацврсти на врвот со четири бода предност пред Манчестер Сити, кој утре го пречекува Манчестер јунајтед во градското дерби. Дарвин Нуњез постигна победнички гол за „црвените“ во 99.минута од мечот.
Брентфорд и Челси одиграа 2-2, а Тотенхем со пресврт стигна до триумф од 3-1 против Кристал Палас. Езе погоди за водство на гостите во 59.минута, но Тимо Вернер, Кристијан Ромеро и Хјонг – Мин Сон постигнаа три гола во финишот за триумф на Тотенхем.
Вест Хем славеше на гости со 1-3 против Евертон, а Фулам со 3-0 го совлада Брајтон. Њукасл исто така со 3-0 го победи Вулверхемптон.
