Македонскиот прволигаш Шкупи го засили редовите со интернационалецот Дарко Глишиќ. Поранешниот вардарец по две години поминати во Бугарија се враќа во македонскиот шампионат, но овојпат ќе го носи дресот на клубот од Чаир.
Глишиќ потпиша договор на една и пол сезона со Шкупи. Тој беше дел од шампионскиот состав на Вардар, а потоа замина во Бугарија, каде играше за Септември Софија и за Арда.
