Англискиот премиерлигаш Челси се наоѓа во екстремно тежок период откако Велика Британија го „замрзна“ имотот на Роман Абрамович, но неверојатно многу ја ограничи и работата на фудбалскиот клуб од „Стемфорд бриџ“. Освен тоа што ќе можат да се исплаќаат тековните плати и да се организираат натпревари, се друго е блокирано за клубот, дури и продажбата на билети.
Ако овие „санкции“ продолжат, тогаш Челси нема да може да ги продолжи договорите со петмина фудбалери. Цезар Аспиликуета и Андреас Кристенсен се на чекор до Барселона, а и Антонио Рудигер подолго време преговараше со клубот, но не дојде до договор. Слободен да си замине ќе биде и Саул Нигез кој ќе се врати во
Атлетико Мадрид, а петтиот фудбалер што ќе го напушти „Стемфорд бриџ“ е Чарли-Мусонда.
Уште поголем проблем за Челси е што нема да може да ангажира нови фудбалери, а ниту Роман Абрамович според новата одлука на британската влада не може во овој момент да го продава клубот.
