Поранешниот македонски селектор Чедомир Јаневски го напушта кормилото на кипарскиот прволигаш Олимпијакос Никозија. Тој во иднина ќе биде дел од стручниот штаб на Јужна Африка.
Раководството на Олимпијакос Никозија открива дека клубот му понудил нов договор на Јаневски, меѓутоа македонскиот стратег веќе имал одлучено околу својата иднина. Тој најголемиот дел од тренерската кариера ја мина во Белгија, работеше и на Кипар, а беше тренер и на Црвена Звезда.
