Барселона ја врати магијата и почна да победува, па сега и насмевката на тренерот Чави Хернандез е многу поотворена. Каталонците синоќа го победија Атлетик Билбао со 4-0 на „Камп Ноу“ и стигнаа до четвртото место кое води во Лигата на шампионите.
По натпреварот тренерот Чави го пофали младиот Педри.
„Што се однесува до самиот талент, не сум видел ниту еден играч во светот како Педри. Тој не сака да го фалиме, но морам да го кажам тоа. Ме потсетува на Иниеста, иако знам што постигна Андрес во кариерата. Има играчи од различни профили, како Кевин Де Бруин, Лука Модриќ… Но, на неговата позиција, што се однесува до талентот, тој е најдобар во светот“, истакна Чави.
